社區學院課程：梅窩社區營造考察課程
繼上一課去南涌探索後，今次我地走訪梅窩！大嶼山即將要面對大型發展，但如此同時，仍然有唔同人努力係社區揼石仔，搞社區營造，思考鄉郊發展既不同方式。
今次課程就好高興邀請左建立「好老土」項目既土地教育基金，同我地分享佢地係大嶼山既社區工作經驗。佢地唔只係梅窩搞共購賣菜，更希望保育同傳承當地農業及歷史文化，連結鄉郊社區，發展本土經濟產業，令地區再生。
今次梅窩考察行程豐富，首先，大家可以去Winnie The Farm探訪農場，同梅窩農夫Winnie親身交流，體驗農場工作；然後，土地教育基金總幹事龍子維先生會帶領社區導賞，漫遊梅窩村落，去當地農業設施遺址考古一下，了解梅窩社區及農業文化歷史；最後，佢地會分享大嶼山社區營造工作既寶貴經驗，大家可以同土地教育基金團隊同事互相交流，深入討論。
歡迎對鄉郊社區發展、農地保育、社區歷史文化傳承、本土經濟產業等範疇有興趣既朋友，報名參加，互相分享學習，希望可以啟發大家思考農業同社區之間既可能性。
----------------------------------------------------------------
日期：8月6日 (星期六)
集合地點：梅窩碼頭
集合時間：2:40 pm
活動時間：3:00pm - 6:00 pm
內容：
- 探訪農場，體驗田間工作
- 農夫分享，了解農夫和社區之間故事
- 社區導賞，認識梅窩農業產銷合作社歷史
- 大嶼山社區營造經驗分享及討論
*行程會按實際天氣狀況作出調整
截止日期：7月29日
查詢：wtsapp/signal 5682 0776 Kelly